Международный день родного языка. Наьна мотта ди.
2000-г1ча шера денз февраль бетта белгалдоаккхаш да Дуненхалкъашта юкъера Наьна метта ди. Вай хьамсарча г1алг1ай метта хетадаь в1ашаг1кхетар д1адехьар Г1алг1ай Республика берий-за1апхой реабилитационни центре, цига хьоашалха баьхкабар Г1алг1ай Республика йоазанхой союза доакъошхой: Хамхой Бекмарзий Дауд, Мерешкнаькъан 1алаудина Султан. Россе йоазанхой союза доакъошхо Ахильгнаькъан Хьусена Зарета. В1ашаг1кхетар д1адехьача Доврбикнаькъан Маккас аьлар: из ди белгалдаккхар т1адерзадаь да д1адала тарлуш дола метташ хьаллацара, дег1адоаладара. Бераша хоза а хеташ стихаш йийшар Г1алг1ай меттала, иллеш даьхар. Хьаьший а в1ашаг1кхетаре гулбеннараш а ч1оаг1а раьза бар бераша иллеш дахарах, халхараш дарах. Г1алг1ай Республика реабилитационни центра директора Лом-1аьлий Хьусенас аьлар: ше укх тайпара в1ашаг1кхетараш хьаллоацаш а дика хеташ а ва аьнна, цар новкъостал ду кхувш доаг1ача ноахалашта Даьхенцара, хьамсара мехкацара дог-безам совбаккхара. В1ашаг1кхетар дерздеш хьаьшашта совг1аташ делар бераша кулг-кара хьадаь сурташ. Х1ата хьаьшаша-йоазанхоша шой йоазонаш т1адола книжкаш делар берашта. Доккха баркал оал в1ашаг1кхетаре дакъа мел лаьцарашта.
Ежегодно во всём мире 21 февраля отмечается международный день родного языка. Сегодня этот замечательный праздник, прошел в реабилитационном центре, на ингушском языке. Среди приглашенных были Члены Союза Писателей РИ: Мерешков Султан, Ахильгова Зарета и Хамхоев Дауд. Организатор мероприятия Макка Иссаевна, в своем выступлении, в самом начале отметила, что данная мера принята для того, чтобы поддержать, развить и защитить языки, особенно находящиеся на грани исчезновения, среди которых и наш, ингушский язык. Дети внесли свою лепту, прочитав стихотворения и спев песни на родном языке. Гости, да и все присутствующие получили заряд положительных эмоций, от выступлений. Директор центра, Хусейн Лом-Алиевич, отметил, что очень поддерживает проведение такого рода мероприятий, они вселяют дух патриотизма, направляя подрастающее поколение в правильное русло. К концу мероприятия, гостям вручили небольшие презенты, творческие работы наших воспитанников, а они в свою очередь, подарили на память авторские книги. Благодарим всех, кто присутствовал на мероприятии.